Eintrag vom 1469-11-03Informationen zum Dokument

Hanns Eysenmair ausgeber var Kernertor zu Wienn und Barbara sein hausfraw habend versaczt ir hawss, stadl und garten daran gelegen daselbs vor Kernertor, ennhalb der prukhen zenagst weilent Weczlaben Linczer hawss. Dem erbern Jorgen, Kunraten Messrer auch weilent ausgeber seligen sun, irem swager und pruder und sein erben. Umb sechtzigkh phuntt Wienner phenning, und sind zubezalen von dem nagstvergangen sand Michels tag uber zway ganncze iare, darnach voligunnd und sullen in ierlich davon raichen und geben sechs phunt Wienner phenning, zway zu sand Michels tag, zway zu den Weinachten und zway zu sand Jorgen tag yedes bemelten iars. Und sullen mit dem erssten dinst anheben zu den nagstvergangen sand Michels tag als man andern solchen zins und dinst in der stat raicht und gibt, an alles verziehen getrewlich und ungeverlich. Actum an Freitag post Omnium sanctorum, anno domini etc. lxviiiino.

Summa ½ tl. d.