Eintrag vom 1469-11-17Informationen zum Dokument

Hainreich Hawmann oler an stat Colman Mawrer und Barbara seiner hausfrawen, der brieflichen gwalt er hat, verkauff[t] auf derselben kanlewt hawss gelegen in der Kernerstrass am egkh als man in die Weyhenpurg geet, zenagst des von Sumberg hawss, drew phunt phenning gelts purkrechts, umb zwayunddreissig phunt phenning, dem erbern priester, herrn Adam Purkhdorffer, capplan der dréyer ewigen wochenmess, der aine die von Eslorn und die andern zwo die ersamen weisen burgermaister und rat von der stat hie zu hilff derselben von Eslarn mess aine durch frawen Ursulen Hannsen von Eslorn seligen witib, und die ander durch Appolonien Hainreichs Freymanner seligen hausfrawen auf sand Andres altar in Sannd Peter cappelen auf Sand Petersfreithof gestifft habend, und seinen nachkomen capplen derselben mess. Und sind zu dienn zu drein tégen im jare und widerumb abzekauffen mit xxxii tl. d. und dem nagsten dinst damit ut littera sonat. Actum an Freitag vor sand Elspethen tag, anno domini etc. lxviiii.

Summa lxiiii d.

Das purkrecht ist abgelósst und zum gruntpuch erlegt ut registratum 74.