Hanns Stainprecher der oler mitburger zu Wienn und Margreth sein hausfraw habent versaczt die ubertewrung irs hawss gelegen an Sand Peters freythof, zenagst weilend Hannsen von Elslorn haws an aim tail uber die hundert sechsunddreissig phunt phenning purkrechts haubtguts und sybentzehen phunt phenning dinsts jerlicher gult, die maister Lienharten von Perching kapplan der mess der Heiligen dreyr kunig altar zu der Hymlporten zu Wienn und seinen nachkomen kapplen desselben altares, vormaln darauf verschriben sein nach lautt ains purkrechtsbriefs. Der erbern frawn Margrethen Petern Weyler hausfraw Achatzen Prater seligen tochter und irn erben. Umb hundert phunt Wienner phenning landeswerung in Osterreich und sind zu beczalen von dato des saczs uber vier gantze jar negstnacheinander kommend an widerred udn an alles vertziehen. Actum an Mantag nach des Heiligen krewtztag Exaltacionis, anno domini etc. lxximo.

Summa vi s. xx d.

Habet cedulam.

Nota den sacz hat fraw Margreth Hannsen Lainbacher h. ubergeben ut infra.