Eintrag vom 1472-03-02Informationen zum Dokument

Hanns Stainprecher oler und Margreth sein hausfraw habent versaczt die ubertewrung irs hawss gelegen an Sand Petersfreithof, zenagst weilent Hannsen von Elslorn seligen haws an ainem tail. Uber die sibentzehen phunt phenning gelts purkrechts, so dem capplan der Heiligen dreyr kúnig altar zu der Hymlporten, vor darauf verschriben. Und mit hundert und sechsunddreissig phunt phenning abzelosen sein, nach lautt ains purkrechtsbriefs, dem erbern Hannsen Lainbacher, unsers allergenedigsten herrn und des Römischen Kaiser etc. diener und sein erben. Umb hundert phunt phenning¹ landeswerung in Österreich, die frawen Margrethen Petern Weyler hausfrawen vor auch darauf verschriben gewesen und dem bemelten Lainbacher durch séy lediclich ubergeben sein, Innhalt ains ubergabbriefs und aufsanndbriefs, die zu den gegenburtigen gruntpuch erlegt. Und sind zubezalen uber inner den nagsten vier jaren, von datum des saczs zeraitten an alles vertziehen, getrewlich und an alles geverde. Actum an Montag nach dem Suntag Oculi in der vassten, anno etc. lxxii.

Summa vi s. xx d.

Lainbacher habet cedulam.

Hanns Welser Andre Teyspekh und Margreth uxor obligaverunt ire hewser libro isto sub I folio 232.