Eintrag vom 1444-05-22Informationen zum Dokument

Jorg Narczendorffer hat versaczt die uberteurung seins drittail¹ hauss, ganczes gelegen peym Rotentorn zenagst Niclasen des Kramhofer haus mit allen den gméchen und gemainen stukchen, die nach lautt der tailbrief darczue gehorent, uber die funfczig pfund pfening, die er seiner swester Margreten Hainreichs Rémpptendorffer seligen witiben vor darauf verschriben hat. Junkfraun Agnesen und Martha, auch seinen swestern, umb funfczig pfund Wienner pfening in solicher maynung weliche der benanten zwaier swestern aine am ersten eelichen verheirat wirdt, so sullen dann er oder sein erben derselben seiner swester die vorgnanten fünfczig pfund pfening zu heiratgut ausrichten und beczalen nachdem und sy eelichen peygelegen ist ynner der nagsten jarsfrist an alles vercziehen ungeverlich. Actum an Freitag nach dem heiligen Auffarttag, anno etc. xliiiito.

Summa iii s. x d.

Habet cedulam Narczendorffer

Nota Jorig Prewer stet des haws nutz und gewer libro nofo E. vendicionis folio 31