Eintrag vom 1444-05-22
Jorg Narczendorffer hat versaczt seinen drittail hauss, gelegen peym Rotentúrn zenagst Niclasen des Kramhofer haus mit allen den gméchen und gemainen stukchen, die nach lautt der tailbrief darczue gehorent. Der erbern fraun Margreten, Hainreichs Rémpptendorffer seligen witiben seiner swester, und irn erben, umb fünfczig pfund phening und sind zu beczalen wan sy oder ir erben die vordern und nicht lenger peiten wellent darnach ynner dem nagsten moneid an alles verziehen ungeverlich. Actum an Freitag nach unsers Herren Auffarttag, anno domini etc. xliiiito.
Summa iii s. x d.
Niclas Narczendorffer habet cedulam.
Nota die obgenant fraw Margret, Hainreichs Remptendorffer seligen witib, hat Jorgen Prewr irm man, die vorgenanten l tl. d. lediclich geschafft nach lautt irs geschéffts daz im statpuch zu Wien geschriben ist.
Zitierhinweis
Eintrag vom 1444-05-22, Nr. 00946, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e00946_1444-05-22.html