Jorg Notlich der smelczer und Margreth sein hausfrau habent versaczt ir haws mit aller seiner zugehorung gelegen vor Werdertor gegen Hannsen bey des Flöczer haus uber, zenagst dem freithof der zu Sand Johanns capellen daselbs gehort an aim tail mit dem garten hinder demselben freithof gelegen, der der stat grunt nicht ist, dem erbern Jorgen von Krustpring und seinen erben um newnczig phund phenning und sind zu beczalen i halb auf die pfingsten und halb auf sand Mertten tag negst nacheinander kunfftig anvercziehen ut littera. Actum an Freitag nach sand Kathrein tag, anno etc. lo.

Summa x ½ t d

Nota Jorg von Irnsprun hat den sacz ledig gesagt an Freitag vor Oculi, anno etc. lii d.

Tempore dominorum Arnolt Galander consul et Hannsen von Esloren an[n]o etc. lio.

Jorg von Nicolspurg hat versaczt die uberteurung seins hauss mit seiner zugehorung gelegen am Harmarkt zenagst des Olmansperger haus uber die newn phund und sechs schilling phenning gelctz purkrechts, die zu des Vinkchen messe vor darauf verschriben sein und uber die hundert phund phenning haimsteuer und dreuhundert phund phenning morgengab so seiner hausfraun Margreten nachmalen darauf verschriben sein, und uber die dreuhundert Ungrisch guldein, so Kunrat Pawngartner Pertlme Kiebl Sebold Halbachssey Niclas Graurtl burger zu Nurnberg ir geselschafft und ir erben auch nachmalm darauf habent, dem edeln beherten Zwingendorffer und seinen erben umb zwaihundert guter newer Ungrisch guldein gerecht in gold und wag. Und sind zubeczalen von dem nagstkunftigen sand Jorgentag uber ain ganczes jar an alles vercziehen ut littera. Actum an Mitichen vor Judica in der vasten, anno etc. limo.

Summa xi s. xx d.