Jorg Aczinger hat versaczt sein haus gelegen am Alten Rossmarkt zenagst Kunrats des Kophdréchssl dem ersamen herren maister Mertten Guldein lerer in der ercznei und seinen erben umb dritthalbhundert phund phenning die dieczeit gib und geb sein und sind zubeczalen von dem nagstvergangen sand Michels tag uber vir jar an alles vercziehen. Wer aber, das der benant maister Mertt Guldein in der zeit mit tod abging, wan dann sein erben oder wem er das schafft die egenant summa phenning ervordernt und nicht lenger peiten wellent, so sullen dann der egenant Aczinger oder sein erben in die dann ausrichten und beczalen und den nagsten zwelf wochen an widerred und an alles vercziehen. Actum an Freitag post Michaelis anno etc. lio.

Summa ii tl. xx d.

Maister Mert habet cedulam.