Jorg Epishauser dieczeit des rats der stat zu Wienn hat versaczt sein haws mitsambt dem keller under Steffans Gibing zuhaws gelegen in der Munsserstrass zenagst desselben Gibing haws an aim tail und an dem andern zenagst Cristans Prenner haws. Dem ersamen hoch gelerten herren maister Harttungen von Kappelln lerer bébstlicher und kaiserlicher rechten seim swager und seinen erben umb sechshundert gúter newer Ungrischer guldein gerecht in gold und wag. Und sind zubeczaln von den nagstkunfftigen Weichnachten uber ain ganczes jar an alles vercziehen ut littera. Actum an Freitag sand Urbans tag, anno etc. liiio.

Summa iiii tl. v s. x d.