Eintrag vom 1453-10-01Informationen zum Dokument

Jacob Nadler hat versaczt sein haws gelegen hinder sand Pongreczen zenagst Angervelder des messrer haws an ainn tail, davon man jerlich dint dem kaplan der ewigen mess, die weilent der Thiem auf des Heiligen Kréwcz altar zu Sand Michael zu Wienn gestifft hat sechs phunt und sechtzigk phenning zu purkchrecht darnach amm Stadl gelegen in Réczengraben, zenagst Pauln des Hofer haws, und stosst an des von Walsse haws daman auch von dem egenanten haws und dem benanten Stadl alle jar dint heren Symon Bugkwicz kaplan der mess, die Anna Stephans Walchpekchen witib hincz Sand Michel gestifft hat aindlef phunt phenning zu purkrecht, die abczulösen sind nach lautt ains purkrechtbriefs und nicht mer dem erbern weisen Stephan Awer dieczeit des rats der stat zu Wienn und seinen erben umb virczigk phunt phenning und sind zubeczaln auf sand Kathrein tag nagstkunftigen an verziehen. Actum an Montag nach sand Michels tag, anno etc. liiio.

Summa lxxx d.