Jorg von Nicolspurg hat versaczt die ubertewrung seins hawss mit seiner zugehorung gelegen am Harmarkht, an dem egk zenagst der gassen als man an den Alten Fleischmakt get, an aim tail, und an dem andern zenagst Jacobs Olmansperger haws uber die newn pfunt und sechs schilling phenning gelts purkrechts, die zu des Vinkchen messe vor darauf verschriben sind, und uber die hundert pfunt phenning haimsteur und drewhundert pfund morgengab, so er seiner erern hausfraun Margreten des Pirpawmer tochter nachmalen darauf verschriben hat, und uber drewhundert Ungrisch guldein so Conrat Pawngartner, Pertlme Kiebl, Sewolt Halbwachsen, Niclas Graúetl burger zu Nurnberg ir gesellschaftt und ir erben auch in saczweise darauf habent und uber zwaihundert und funfundczwainczig pfund phenning, die maister Hannsen Aichelperger official zu Wienn und seinen erben nachmalen darauf verschriben sein, nach lautt der stat gruntpúch der erbern Dorothen Hannsen des Téhenhaubts burger zu Klosterneunburg tochter, seiner hausfraun umb zwaihundert und funfundczwainczig pfund pfenning landeswerung zurechter morgengab nach der statrechten hie zu Wienn ut littera sonat. Actum an Montag vor des Heiligen Kreuczstag als es erhocht ist, anno etc. liido.

Summa xv s. d.

Nota umb die benanten cc xxv tl. d hat sich der Tehenhaubt Ambrosi per und sein hausfrau verschriben ut littera, den her Niclas Teschler burgermaister innhat.