Eintrag vom 1454-09-27Informationen zum Dokument

Jörg von Nicolspurg burger zu Wienn hat versaczt die übertewrung seins hauss mit seiner zugehórung gelegen am Harmarkcht zenagst des Olmansperger haus uber die newn phunt und sechs schilling phenning gelts purkrechts, die zu des Vinkchen messe vor darauf verschriben sein und uber die hundert phunt phenning haimstewr und drenhundert phunt phennig morgengab. So seiner erern hausfraun Margreten séligen nachmaln darauf verschriben sein, und über drenhundert ungrisch guldein, so Kunrat Pawmgartner Pértlme Kiebl Sewolt Halbwachs Niclas Granétl burger zu Núrnberg ir gesellschaft und ir erben auch in saczes weis darauf habent. Und úber die zwaihundert fünfundzwainczig phunt phenning darumb sein hausfrau Dorothe Hannsen Tehenhaubt tochter umb ir morgengab nach laut ains briefs darauf versaczt ist dem erbern Jacoben Aichelperger und sein erben. Umb zwaihundert phunt und zehen phunt phenning landeswerung, und sind zubeczaln auf die nagstkünftigen phingsten an alles vercziehen. Actum an Freytag vor sand Michels tag, anno etc. liiiio.

Summa xiiii s. d.