Eintrag vom 1454-09-25Informationen zum Dokument

Jörg Obrecht hat versaczt sein haus das etwenn Kunrats von Rustpach gewesen ist, gelegen am Liechtensteg zenagst Merten des Lénntleins zuhéuslein an aim tail, und an dem andern zenagst seinem zuhaus, das des brobsts grunt ist. Da man von der ainn kram in dem vorgenant haus zenagst dem benanten sein zuhaus gelegen, alle jar dint zu der ewigen mess, die weilent maister Hanns Sachs der maler auf dem karner dacz Sand Stephan zu Wienn gestifft hat, vir phunt phenning nach der brief sag, so die schreiberzech darumb hat und nicht mer, und sein zuhaus mit allen geméchen und gerechtikaiten, so darzu gehorent, gelegen bey dem prunnen, hindern fleischpenken und seinen stol under des egenant Kunrats von Rustpach haus auf der Mörnig gelegen. Der erbern frawn Annen Hannsen Peiczkofer seligen tochter seiner hausfraun umb zwaihundert phunt phenning zu rechter haimstewr, und drewhundert phunt phenning zu widerlegung, nach der statrechten zu Wienn, ut littera sonat. Actum an Mitichen vor sand Michels tag, anno etc. liiiio.

Summa iiii tl. xl d.

Nota die vc tl. d. haimsteur und widerlegung sind zu dem puch gelegt, an Mitichen vor sand Ulreichs tag, anno etc. lvito.