Eintrag vom 1454-12-13Informationen zum Dokument

Jorg Koler von Glacht seinselbs, und junkfraun Elspethen Mertten des vorster zu Sand Mareinczell seligen tochter, die er als gerhab mit irm leib und gut innhat fur die er sich annymbt und Hanns Waicz von Winstorf anstat Barbaren seiner hausfraun, und Annen Erharts Sawczagler zu Paden hausfraun ir swester fur die er sich und auch der egenant Jorg Koler ir pruder mit ganczen volligen gewalt habent angenomen nach lautt ains besiglten gewaltbriefs in darumb gegegebn habent versaczt alle di gerechtikait, so der egenant Jorg Koler Elspeth sein mum Barbara die Warczin und Anna die Sawczaglerinn sein swestern von Paulen dem Vorster turhutter zu Wienn geerbt habent an dem haws, das desselben turhutter gewesen ist, gelegen am alten Kolmarkt am egk als man in die walichstrass get, gegen des von Stuchenberg haus uber zenagst Symons des satler haus mit der obern seitten, dem erbern Kunczen Frankch dem sneider und seine erben umb hundert pfund pfenning, damit si das egenant haus von fraun Annen der túrhutterin seligen geschefftleuten geledigt habent. Und sind zubeczalen wan die der egenannt Frankch oder sein erben vordernt und nicht lenger petten wellent darnach an alles vercziehen. Sy habent auch demselben Kunczen sunderlich gelobt, das si das egenant haus nach erkantnuss und schaczung frumer leut die darczu kummen wellent zukauffen geben fur merlich inner der nagstkunfftigen jarsfrist an all ausczug ungeverlich. Actum an sand Lucein tag Anno etc. liiiito.

Summa vi s. xx d.

Habet cedulam.