Jorg Pirchinger der smyd hinder Sand Pangreczen und Kunigund sein hausfrau habent versaczt ir haws gelegen daselbs zenagst Hannsen Hiltprants des smids haws, davon man jerlich dint hincz dem Heiligengeist vor Kernertor ain halb pfunt pfenning und hincz den Weissen prúdern am Hof zu Wienn dreissig pfenning alles zu purkrecht und nicht mer. Der erbern fraun Annen Hannsen Rosenmair seligen witiben die emalen Micheln von Steiregk den smid auch elichen gehabt hat und irn erben umb drewundczwainczig pfunt pfenning und sind zubeczalen auf sant Michels tag nagstkúnfftigen an alles vercziehen. Actum an Freitag vor dem heiligen pfingst tag, anno domini etc. lvto.

Summa xlvi d.