Jorg Pirchinger der smyd hinder Sand Pangreczen und Kunigund sein hausfrau habent versaczt die ubertewrung irs hawss ganczes gelegen daselbs zenagst Hannsen Hiltprants smids haws uber das halb pfunt pfenning, so man hincz dem Heiligengeist vor Kernertor jerlich davon dint und uber dy dreissig pfenning gelts so man hincz den Wissenprudern jerlich davon dint alles zu purkrecht und nicht mer. Und uber die drewundzwainczig pfunt pfenning, die Annen der Steiregkerinn nachmaln darauf verschriben sein, den ersamen weisen dem burgermaister und rat der stat zu Wienn und irn nachkomen umb fünfundvirczig pfunt pfenning. Und sind zubeczalen auf die nagstkunfftigen Weichnachten an alles vercziehen. Actum an Freitag vor dem heiligen Pfingsttag, anno domini etc. lvto.

Summa iii s. d.

Nota die egenant xlv tl. d. hat Niclas Ernst dieczeit des rats und kamrer der stat zu meiner herren und der stat handen ingenomen uber dem egenant Jorgen Puchinger und hat den sacz ledig gesagt an Freytag nach sant Erasms tag, anno domini etc. lvito.