Jörg Silberprenner mitburger ze Wienn hat versaczt sein hawss gelegen vor Stubentor im Grewt gegen Niclasen des burger seligen hawss über. Helen seiner hausfraun, umb hundert Hungrisch guldein gerecht in gold und wag, die er derselben seiner hausfraun auf dem benanten haws vermacht hat. Also ob derselb Jorg vor seiner egenant hausfraun Helen Hannsen Stekhen seligen tochter mit tod abging ee dann sy, so sol sy dann die vorgenant Ungrisch guldein auf dem egenant hawss ledigklich und freylich haben und allen iren frumen damit schaffen oder geben wem sy verlust. Und ob sy an dem egenant hawss icht abgang hiet oder gewinn so mug sy des auf allem andern seinen gut es sey erbgút oder farund gút bekómen uncz auf völlige merung der egenant summa hundert Ungrisch guldein ut littera sonat. Actum an Freytag vor sand Thomans tag des heilingen zwelfpoten, anno etc. lxio.

Summa vi s. d.

Nota die obgenant Helen hat die vorgenant ic guldein dem obgenant iren mann ledig geschafft und von des gemechtbrief wegen ist ain totbrief zum puch erlegt.