Jörg Pirchinger der griffelsmid und Kúnigund sein hausfrau habent verkaufft dritthalb pfuntt Wienner pfenning gelts purkrechts auf irm hawss gelegen hinder sand Pangreczen an ainer seitten zenagst Hannsen Hiltprannts des griffelsmid hawss, davon man alle jar dint hincz dem Heilinggeist vor Kernertor zu Wienn, ain halb pfunt pfenning und hintz Unser Frawn prüdern an der herczogen hof ze Wienn dreissig pfenning alles zú purkrecht und nicht mer, dem erbern herrn Thoman von Mistelbach dieczeit capplan der ewigen mess, die Kristan Meindel der vischer seliger zu Sand Johanns kirchen im Werd, vor Werdertor ze Wienn gelegen gestift hat, umb zwainczigk pfunt Wienner pfenning, die emalen gelegen sind auf Affran Wolfgang Artter des wach[s]giesser hausfrauen haws gelegen vor Schottentor ze Wienn. Und sind die vorgenant dritthalb pfunt pfenning purkrecht ze dienn zu den drein tagen im jar, zu sand Michels tag, zú Weinachten und zu sand Jorgen zu jedem benant tag sechs schilling und zwainczigk Wienner d. ut littera sonat. Actum an Mitichen nach sand Jorgen tag, anno etc. lxiio.

Summa xl d.

Tempore dominorum hern Hannsen Ernst consulis und Hannsen von Eslorn anno etc. lxii.