Eintrag vom 1463-02-05Informationen zum Dokument

Jacob Tragkh burger ze Wienn und Anna sein hausfrau habent verkauft zehen pfunt Wienner pfenning gelts purkrechts, auf irm hawss gelegen in der Strauchgassen zenagst Petern Starkh des stainmeczen hawss an ainem tail und an dem andern dem gésslein als man in die Strauchgassen Walichstrass gett. Umb hundert pfunt Wienner pfenning und sind vormalen auch auf demselben hawss gelegen. Dem erbern priester hern Micheln Grashofer diezeit capplan der ewigen mess, die weilent her Linhart Schawr official ze Wienn auf Sand Linharts altar in Unnser Frawn cappellen auf der Stetten daselbs gelegen gestift hat und seinen nachkomen kapplén derselben mess. Und sind zú dienn zu drein vier tégen im jar und abzelösen umb hundert pfunt Wienner pfenning miteinander, und den nagsten dinst damit ut littera sonat. Actum an Sambstag nach Unserer lieben Frawen tag Purificacionis, anno etc. lxiiio.

Summa vi s. xx d.

Nota der obgenant her Michel hat um die obgenant ic tl. d. ain weingarten kauft von hern Ulr(ich) Meczleinstorffer gelegen zwischen Aczkesdorf und Heczendorf.