Eintrag vom 1463-03-18Informationen zum Dokument

Jörg Gundagkher der fleischagkher, und Anna sein hausfraw habent verkauft néwn pfunt pfenning Wienner gelts purkrechts, auf irm halben hawss gannczes gelegen zu Wienn, mit dem vordern tail in der Riemerstrass zenagst Rúpprechten, Riemer hawss und an dem anndern zenagst ettwenn Symon des Wanckher hawss genannt, der Ramhof, und stößt mit dem hindern tail in das Kumpfgässel zenagst des Widhagkher hawss. Umb newnczigk pfunt Wienner pfenning, die emalen auch auf demselben halben hawss gelegen gewesen sind. Dem erbern briester hern Sigmunden Halbeiner von Strenging, capplan der mess, die fraw Dorothea Niclasen von Tanwald wittib zu Sand Steffan zú Wienn ze stüfften geschaft hat und die der rat zu frawn Elspeten der Rédischerinn mess, die auch dem benanten hern Sigmunden verlihen ist geaignet und zúgefügt hat. Und seinen nachkomen kapplén derselben mess. Und sind zu diennen zu drein tegen und abczelösen miteinander umb newnczigk pfunt d.¹, und den nagsten dinst damit ut littera sonat. Actum an Freytag vor dem Suntag Letare in der vassten, anno domini etc. lxiiio.

Summa vi s. d.

Nota die obgenant newtzigkh phunt phenning purkrecht sind ab dem benant hawss geledigt, und auf Wolfgangen Öttinger patstuben bey Schewkhen gelegen verschriben worden so cccc lxxii.