Jacob Gsméchel, dieczeit des rats der stat ze Wienn, hat verkaufft achthalb pfundt Wienner pfenning gelts purkrechts, auf seinem hawss gelegen amm Hohenmarkht zenagst Steffans Stréssel haws, an ainem tail umb sechczigk pfund Wienner pfenning, die emalen gelegen gewesen sein auf Wolfgang Turner und Wolfgan Margreten seiner hausfraun haws gelegen, gelegen hinder Sand Pangreczen zenagst Steffans Weikersdorffer haws, die man damit darob geledigt hat. Dem erbern priester hern Jorgen Tyeffnsee dieczeit kapplan der ewigen mess, die der Thiem auf des Heiling kráwtz altar in Sand Michels pfarrkirchen gestift hat, und seinen nachkomen kápplen derselben mess. Und sind zu diennen zu drein tégen im jar und abzelösen umb sechczigk pfunt Wienner pfenning miteinander ungeverlich ut littera sonat. Actum an Freytag sand Kylians tag, anno domini etc. lxiiio.

Summa ½ tl. d.

Nota das obgenant purkhrecht ist abgelöst und auf Jacoben Himl und Barbaren seiner hausfr(awen) halbs haws am Kolmarkht gelegt ut libro isto.

[1463-11-23]

Jorg Ebinger der tuchscherer mitburger zu Wienn und Kristina sein hausfraw habent verkaufft, funf phunt Wienner phenning geltes purkrechts auf irm hawss gelegen under den Tuchscherérn gegen den Túchlauben uber zenagst weilent Augustin Plúm haws an aim tail und an dem andern zenagst Hannsen Kalschinger des schuster haws umb funftzigk phunt Wienner phenning, die emaln gelegen gewesen sein auf Micheln Meichsner des sneider haws, gelegen auf der Renngassen an aim tail zenagst maister Hannsen Rétsch des stainmetzen haws, die man damit darab geledigt hat. Dem erbern Pernharten Tichling von Esslingen acoliten Kosstniczer bistumbs, dieczeit kapplan der ewigen mess, die weilent Seyfrid Reicholf auf Sand Lienharts und Sand Jobst altar in hern Otten h und Hainen kappeln in der Burger Rathaws hie zu Wienn gelegen gestifft hat, und seinen nachkomen kapplén derselben mess. Und sein zu dienn zu drein tägen im jar, und wider abczukauffen umb funfczig phunt Wienner phenning und den nagsten dinst damit anvercziehen ungeverlich ut littera sonat. Actum an Mitichen vor sand Kathrein tag, anno domini etc. lxiiio.

Summa iii s. x d.

Nota daz purkrecht ist zum gruntpuch erlegt und widerumb ausgelihen, auf Michelen Prawnseysen haws vor Werdertor und umb den purkrechtbrief, ain totbrief zum puch geben.