Jörg Talhaimer burger ze Wienn hat versaczt sein hawss mit seiner zúgehorung, darinn er yeczo ist gelegen amm Harmarkht zenagst Petern Gwerlich hawss mit allen den gemechen und gemain stukhen, die nach lautt der tailbrief darczú gehörnt. Der erbern frawn Barbaran Hannsen Héwtl burger zú Melk seligen tochter seiner eelichen hausfrauen, die emalen Ulrichen Pláhler zú Alath seligen auch eelichen gehabt hat. Umb zway hundert phund phenning haimstewr, und umb zwayhundert phund phenning morgengab oder widerlegung nach der stat rechten zú Wienn ut littera sonat. Doch unvergriffen an den zwain hundert phunt phenning haimstewr und drein hundert phunt phenning widerlegung, so frawen Annen Hannsen Golden tochter seligen von dem obgenant Jorgen Talheimer irem hawswirt auf dem egenant hawss vorhin darauf verschriben gewesen sind ut littera sonat. Actum an Mitichen nach dem Suntag Reminiscere in der vassten anno etc. lxiiiio.

Summa ii ½ tl. d.

Ex iussu consilii

Nota von der vertigung wegen ist ain schermbrief zum puch erlegt.

Nota die iic tl. d. haimstewr morgengab hat Hanns Ingelsteter auf sich und das bemelt halb haws genant videlicet libro nono E fo. 24, und die iic tl. d. haimstewr hat Jorg Talhaimer verschriben auf seinen weingarten zu Grinczing ut littera sonat dem im rathurn ligt.