Jacob Aichlperger burger ze Wienn, hat versaczt die übertewrung seins hauss, mit aller seiner zúgehörung gelegen am Harmarkht, inden ainen egk zenagst der gassen, als man an den Alten Fleischmarkht geet an aimm tail und an dem andern zenagst des Olmunsperger hawss über die drew hundert phundt phenning haimstewr und fúnfthalbhundert phunt phenning widerlegung, darumb es Barbaran seiner hausfrawen vormalen verschriben ist. Dem ersamen hochgelerten maister Berchtolden Gukh, licentiatum geistlicher rechten¹, korherren und pawmaister Sand Steffan túmkirchen zú Passaw, und seinen nachkómen pawmaister zu hannden derselben p túmkirchen paw. Umb zway hundert und zwelf phundt Wienner phenning und sechsundachczig Ungrisch und Tukaten guldein. Und sind derselben summa phenning und guldein zu beczalen hundert phunt Wienner phenning auf sand Jorgen tag nachkúnfftigen, und von demselben sand Jörgen tag über ain gantz jar darnach nachstkúnftig auch hundert phunt phenning. Und die übrigen zwelf phunt Wienner phenning und sechsundachczigk Ungrisch oder Tukaten guldein sind zúbeczalen von dem nachstkúnftigen sand Jörgen tag, über zway ganncze jar, an alles vercziehen ungeverlich. Actum an Mitichen vor sand Petronellen tag, anno etc. lxiiiio.

Summa xx s. d.

Maister Berchtold habet cedulam.