Eintrag vom 1464-08-20Informationen zum Dokument

Jörg Talhaimer burger ze Wienn hat versaczt die ubertewrung seins hauss mit seiner zúgehórung darin er iecz ist gelegen amm Harmarkht, zenagst Petern Gverlich hauss mit allen den geméchen und gemainen stukhen, die nach lautt der tailbrief darczú gehórend über die zway hundert phunt phenning haimstewr, darumb es vormalen frawn Annen Hannsen Golden burger ze Wienn tochter seligen seiner ereren hausfraun seligen. Und über die zway hundert phunt phenning haimstewr und zway hundert phunt phenning morgengab, darumb es Barbara seiner hausfrawn emalen verschriben ist. Dem erbern Ulrich Mérssinger mitburger ze Wienn und seinen erben, umb dritthalb hundert phunt guter Wienner phenning. Und sind zúbeczalen auf die nachstkúnftigen Weinachten an alles vercziehen ungeverlich ut littera sonat. Actum an Montag vor sand Bertlmees tag apostoli, anno etc. lxiiiio.

Summa ii tl. xx d.