Jorg Prewrer burger zu Wienn und Margreth sein hausfraw, die vormalen Wolfgangen Órtel gesessen zu Medling seligen auch elichen gehabt hat, habend versaczt ir zween drittail hawss gelegen bey dem Rotentúrn das ettwenn Hainreichen von¹ Steyr gewesen ist zenagst Thomans Praitenwéydacher hawss auf dem Steig an ainem tail und an dem andern zenagst Hannsen Hermans seligen hawss Heinnsleins Adams Hertung weilent burger zu Wienn seligen nagsten erben, wie die sein die ungevogt mit tod abgangen ist, umb hundert phunt phenning, so densenselben erben von ains vierden tail der obgenanten zwayr drittail hawss von des egenant Hainslein Hertung seligen wegen erblichen zugepúrn und sind zubeczalen wann sy die ervordern und nicht lennger enpern wellen darnach an alles vercziehen, und sullen auch die selben erben inner der nagsten jarfrist des sacz umb die benant hundert phunt phenning, ob die herfür kommen gwalt und macht auch freye gwalt haben, den obgenanten vordern tail, der bemelten zwayer drittail hawss zehaben, oder die hundert phunt phening, darumb daselb virdtail geschen ist zenemen, wie oder den obgenant virden tail der bemelten zwayr drittail hawssgwalt haben zenen wie², in das am pessten fügen wirdet, an alle irrung getrewlich und ungeverlich. Actum an Montag vor sand Kathreins tag, anno etc. lxvito.

Summa vi s. xx d.