Eintrag vom 1466-12-16Informationen zum Dokument

Jacob Himl der kursner mitburger zu Wienn und Barbara sein hawsfraw habent verkauft achthalb phunt Wienner phenning gelts purkrechts auf irm halben haws ganczes gelegen am Alten Kollmarkht bey Sand Michel gegen des von Walsee haws uber, ze nagst weilent Kunrats Phuntinaschen haws darumb sy auf uberleken nucz und gwer geschriben steend, und ist der annder tail des vorgenant gannczen haws mit allen den gmechen und gemain stukhen, so nach laut¹ der tailbrieff dar zu gehórnt umb sechczigk phunt Wienner phenning dem erbern priester hern Jorgen Tieffensee dieczeit kapplan der mess, die der Tyem auf des Heyling Krewcz altar zu Sand Michels pharrkirchen hie gestifft hat, und sein nachkomen kapplen der egenanten mess². Und sind zu dienn zu drein tégen im jar und widerumb abczukauffen wann man das getún mag oder wil miteinander mit sechczig phunt Wienner phenning, und den nagsten dinst damit ut littera sonat. Actum an Mitichen Eritag nach sand Lucein tag, anno etc. lxvi.

Summa iiii s. d.

Nota das obgenant purkrecht ist zum gruntpuch erlegt worden, an Mitichen Exultacionis crucis, anno domini etc. lxviiivo.