Jorg Pekhenhofer fleischagkher hat versaczt die ubertewrung seins hawss gelegen am allten Fleischmarkt zenagst Cristoffen Otzesstorffer haws uber die hundert und dreytzehen Ungrisch gulden, darumb es vormalen Pertlmen Vannawer versaczt ist. Dem edlen Paulen Pekh, diezeit phleger auf der Pladnitz im Turtz und seinen erben umb hundert und funffundsechtzig Ungrisch guldein, gerecht in gold und wag. Und sind zu bezalen auf den nagsten kunfftigen sand Merten tag an alles vercziehen getrewlich und ungeverlich. Actum an Sambstag var dem Suntag Invocavit in der vasten, anno domini etc. lxxmo.

Summa xii s.

Paul Pekh habet cedulam.

Nota den sacz hat Jorg Pekhenhofer umb sein schuld die im Pekh Paul ist schuldig worden mit dem rechten in der burgerschran erlangt nach lautt der gericht und urlaubbrief so zum gruntpuch erlegt sein und ist Micheln Mair verkaufft. Actum an Freitag sand Lucein tag 71.