Hanns Galer kramer und Diemut sein hausfraw habent versaczt ir hawss, das ettwenn Ulreichs Menscheins zuhawss gewesen ist, gelegen undern Ryemern am Egkh, do man in den Viechhof zu sand Jacob get zenagst des benanten Menschein hawss, daz yetz Mortt Smid ledrer innhat, ausgenomen die stukh, so nach lautt ains kauffbrief nicht dartzu gehoren. Dem ersamen weisen Cristan Schönnperger diezeit des rats der stat zu Wienn, an stat und zuhannden junkhfrawen Annen Jorgen und Wolfgangen Merten von Krembs, des Partenbucher seligen und Barbaren seiner hausfrawen kinden der gerhab er ist, iren erben und sein nachkomen gerhaben umb zwayunddreissig phunt phenning, die herkomen von des obgenanten hawss wegen und den egenanten kinden halbs zugepurtt hat und uber statstewr anslag und was auf die vertigung gangen ist uberbeliben. Und sein zu bezalen auf die phingsten nagstkunfftigen an alles vercziehen getrewlich und ungeverlich. Actum an Montag des Heiligen Krewtz Exaltacionis, anno domini etc. lxxiido.

Summa lxiiii d.

Schönnperger habet cedulam.

Nota das gelt ist zum gruntpuch erlegt ut registr(um).