Eintrag vom 1472-11-27Informationen zum Dokument

Jorg Kern messrer und Barbara sein hausfraw habent versaczt ir haws gelegen im Harhof hinder sand Pangretzen zenagst Hannsen Nagler haws, dem erbern Jobsten Pergawer, anstat und als gerhaben junkhfrawen Margrethen und Otilien Merten Hueber der wagner und Annen seiner hausfrawen seligen tóchter, zu hannden der yetzgenant geswistern und iren erben. Umb zehen phunt phenning die in zu irem vaterlichen erbtaill von wegen des bemelten hawss uberbezalung der geltschulden und der statstewr und anslag so darauf gewesen sein zugepuren. Und sein zu beczalen, wann sy vogtper werden, oder ob sy ungevogt mit tod abgiengen, iren negsten erben anverziehen getrewlich und ungeverlich. Actum an Freitag nach sand Kathrein tag, anno domini etc. lxxiido.

Summa xx d.