Jacob Dbindl der fleischagker und Elspeth sein hausfraw habent versaczt ir hawss gelegen under den hafneren hinder sand Lorentzen zenagst Hannsen Newnkircher hawss dem erbern Hannsen Schonnherren dem fleischagker burger zu Wienn, an statt und als gerhaben zu hannden junkhfrawen Cristinen Brigiden und Margrethen Symons Schónn weilent gesessen zu Lewpoltsdorff seins vetterns seligen kinder seiner muemen und iren erben, umb achtundzwaintzig phunt phenning die in von des obgenanten hawss wegen das in und dem egenanten Hannsen Schonnherrer weilent Agnes Erharten Marbach des smids hausfraw die vormalen Maritzen Hafner seligen auch elichen gehabt, geschafft hat uber bezalen so darauf gewesen ist zu irem tail zugepüren und sein zubezalen auf sand Giligen tag nagstkunfftigen an alles verziehen getrewlich und ungeverlich. Actum an Freitag vor dem Sunntag Letare in der vassten, anno domini etc. lxxiiio.

Summa xvi d.

Nota der saz is durch Bertlme Trundl und Sebastian Salzer carni(fices) gerhaben der obgenant Cristine darauf der sacz allein kommen ist laut irer beweisten freuntschaft im statbuch hie geschriben, ledig gesagt quarta ante Bartho 87.