Hanns Nyesser messrer und Margreth sein hausfraw habent verkaufft drew Hungrisch guldein gerecht in gold und wag jerlicher gult der ubertewrung¹ auf ires hawss gelegen hinder sand Pangreczen zenagst Steffans Weykerstorffer haws, uber die funfftzig Hungrisch guldein, die vormalen junkhfrawen Barbaren Stenczl des Pawngarten seligen tochter erben² darauf verschriben sein, und auf irem weingarten bey Meytling in der Obern Laintz der der brobstey zu Closter Newnburg grunt ist umb zweiundvirtzig guter Hungrisch guldein gerecht in gold und wag dem ersamen priester herrn Ausgustin Niclasen richter sun von Khuentzdorff ettwenn pharrer zu der Lechnitz in Sibenburgen dieczeit verweser der Slesier hawss pey Sand Larentzen zu Wienn sein lebtég und nach seinem abgang ainen yeden capplan der mess, die er daselbs zu Sand Larentzen ze stifften furgenomen hat. Und sein zu dienn zu drein tegen im jare und widerumb abzekauffen mit zwainundvirtzig guten Hungrischen guldein gerecht in gold und wag und den nagsten dinst damit ut littera sonat. Actum an sand Erasmen tag Anno domini etc. lxxiiio.

Summa iii s. xxviii d.