Hanns Welser schuster ains Andre Teyspekh und Margreth sein hausfraw des andern tails habent versaczt der obgenant Welser sein haws gelegen pey der purkh zenagst des von Neytperg haws, das yetz ·· der Seysenegker innhat und die bemelten Teyspekh und sein hasufrau ir halbs haws ganntzes gelegen in der Wolzeyl am Scharffenegk zenagst ·· Aigner des leinbater haw und ist der annder tail mit allen den gemechen und gemain stukhen, die nach lautt der tailbrief darczu gehorn Hennslein Wolfgangen und Micheln geprudern Jorgen Liebel des schuster seligen kinder die noch ungevogt sein yedem umb dreissig Ungrisch guldein gerecht in gold und wag, und dem Hennslein ain gemundlaten silberpecher wigt sybenzehen lot item junkhfrawn Kathrein des obgenanten Liebl tochter der egenannten gepruder swester die auch ungevogt ist, umb achtundczwaintzig Ungrisch guldein gerecht in gold und wag ain gerichts pett mit seiner zugehörung und auch ain silberpecher wigt unctzehen lot, so in derselb Liebl ir vater geschafft hat. Und sein zu bezalen yedem seinen tail guldein und varnnden guts wann es vogtper wurdet. Und alle die weil sy das nicht betzaln, sullen sy in jerlich davon raichen und geben sechs Ungrisch guldein davon man dieselben kinder aushalten und zechen sol.

Nota Herr Hanns Liebl hat den sacz sovil in von sein sers und seiner abgeleibten geswistern wegen angerurt ist frey gesagt Auch er und Casper Veyal umb den auszug des sacz der verlegt ist am tod verschriben geben Actum .. quarta post Judica 89.

Nota die obgenant Kathrey, die yetz Gregorien Herman Puchveler elichen, hat des obgenant Welser seligen erben, des saczs sovil sey das berurtt und auch alles des so ir von den obgenant Wolfgangen und Micheln iren priedern, die ungevogt mit tod abgangen sein, zugepurtt, aus dem satz ledigt gesagt zugegenburtigkait des egenant irs mans. Actum an Mitichen vor dem Suntag Domine in der vassten Anno domini etc. lxxviiii.

Nota Hannsen Welser haws ist des satzs gantz ledig gesagt von des Ackher kinder und des Welser mueter.

---

Wer aber das der egenant Wolfgang ungevogt mit tod abging, so sullen aus seinem tail guldein gevalln und zuesteen seiner muter Annen die yetz Hannsen vom Lannd den kramer seinen stewfvater elichen hat funfczehen guldein und die anndern funfczehen guldein Ungrisch auf die egenannten seine geswistreid. Gingen aber derselben seiner geswistreid ains vor dem anndern ungevogt ab, so sol desselben guts albeg von ainem auf das annder erben und gevallen. Beschech aber das sy alle ungevogt abgiengen, so sol dasselb ir gescheffs gut erben und gevallen auf des obgenant irs vater des lieben seligen nagst frewnd nach innhalt seins geschefts das im statpuch hie geschriben stet. Actum an Freytag nach sand Jacobs tag im snyt, anno etc. lxxiiio.

Summa x s. xx d.

Veyal kramer gerhab habet cedulam.

Nota Wolfgang Rews und sein hausfraw die des obgenant halben haws nucz und gwer stent, haben der benanten Kathrein Gregorien Herman hausfraw zu irem tail ausgericht und geben xxv ½ guldein Ungrisch und den dinst davon, zusambt dem eg(enant) pett und silber pecher daz ir zugehort. Actum an Mitichen post Juliane 79.¹