Jorg Reicholf burger zu Wienn hat versaczt sein halbs hawss ganntzes gelegen am Kienmarkt im Winkhl zenagst weilent ·· der Swemblin seligen und ist der tail mit allen den gemechen und gemain stukhen so nach lautt der tailbrief darczu gehoren und von weilent ·· dem hochgebornen fursten und herren herrn Albrechten ertzhertzogen zu Österreich etc. loblichen gedechtnuss an in komen ist. Der erbern Barbaren seiner hausfrawen und Petern irem sun, den sy pey Steffan Frey seinen vater irem erern mann seligen elichen gehabt hat, umb dritthalb hundert phunt phenning, die herkomen von ains hawss wegen gelegen zu Stain, das der egenant Steffan Frey der obgenanten seiner hausfrawen Barbaren und dem egenanten Petern irem sun geschafft hat nach lautt seins gescheffts in dem statpuch baider stet Krembs und Stain geschriben und darumb verkaufft ist. In solher maynung ist, das die egenant Barbara vor dem vorgenanten irem sun Petern mit tod abgeet, so sullen die vorgemelten dritthalb hundert phunt phenning demselben irem sun lediclich nachvoligen und beleiben allen seinen frummen damit zeschaffen, und sein dann im und seinen erben zubeczalen inner der nagsten jarsfrist anverziehen. Ging aber derselb Peter vor der obgenant seiner muter mit tod ab, so sol sy die bemelten dritthalb hundert phunt phenning ir lebteg unverkumert innhaben nutzen und nyessen und nach irem abgang sullen die erben und gevallen auf des obgenanten Steffans Frey irs erern mannes seligen nagst erben nach lautt desselben Steffans Frey geschefft, und sein dann auch zubezalen inner der nagsten jarsfrist an alles verziehen. Doch hat im der obgenant Reicholf vorbehalten, wann er und sein erben das obgenant halb hawss widerumb lösen wellen, so sullen und mugen sy daz getun zu welher zeit im jar sy des verlusst, umb die obgenanten dritthalb hundert phunt phenning doch also, das dieselb summa phenning der obgenanten seiner hausfrawen und irem sun Petern widerumb angelegt werden in dem rechten, als oben geschriben stet. Actum an Montag vor sand Larentzen tag, anno domini etc. lxxiiio.

Summa ii tl. xx d.

Nota den satz hat Margreth Erharts Haiden mullern tochter und Hannsen Gablsperger witib zunn puch erlegt. Actum an Mitichen post Pangratzen 81.