Kathrey, Fridreichs des Rauscher seligen witib, und Peter Rauscher, ir beder sun, habent versaczt die uberteurung ir haws, gelegen am Salczgriezz zenagst dem Praghaws, davon man jerlich dint dem kirchmaister hincz Sand Steffan xii ½ tl. d. ze purkrecht und nicht mer.

Kathrey, Fridreichs Rauscher seligen witib, und Peter Rauscher, ir beder sun, habent versaczt ir haws, gelegen am Salczgriezz zenagst dem Praghaws, davon man jerlich dint dem kirchmaister hincz Sand Steffan xii ½ tl. d. ze purkrecht und nicht mer. Dem erbern Wilhalmen Volkchel an stat und zu hannden Steffans des Volkchel, seins bruders, der noch nicht gevogt ist, und seinen erben, umb sechczig phunt Wienner pfening, die demselben Steffan zu seinen tail zugepurt habent von dem halben haus undern Taschnern dacz der egenant sein pruder gech verkauft hat. Und sind zu beczaln auf die nagstkunftigen Weichnachten und wider zu dem puch niderzelegen uncz das si dem benanten Steffann angelegt werdent. Actum feria sexta ante Elizabet, anno etc. xlo.

Summa ½ tl. d.

Steffan Valkl und Marta¹, Petern des Haugen zu Perchtoltzdorf uxor sein swester, und Barbara des genanten Frirdreich Rauscher uxor alle dreu w des genanten Wilhams seligen geswistreyd habent den sacz ledig gesagt, feria secunda ante Jacobi apli, anno etc. xli.