Eintrag vom 1442-06-13Informationen zum Dokument

Kathrey, Hannsen Weydenberger hausfraw, hat versaczt ir haus, gelegen vor Schottentor auf der Alzz under den Láden, zenagst der Schühler haus. Dem erbern Conraten Wiser, dem pekchen, an stat und als gerhaben Andres, Hannsen des Kupekchen seligen sun, der noch nicht vogber ist, und seinen erben xxxi tl. Wiener pfening, die von seins vaters haus in Sand Johannsstrass gelegen das verchauft ist herkomen sind. Und sind zu beczaln wan der benant knab vogtber wirdet, oder ob er ungevogt abgíng, darnach seinn nagsten erben. Wan si die vodernt darnach ynner dem nagsten moneid an alles vercziehen, und alle die weil si dasselb gelt innhabent so sullen sy dem egenant knaben oder seinen erben alle jar davon raihen und dienn drew pfunt pfening zu den drin tegen im jar an sant Michels tag zu Weichnachten und an sand Jorgn tag an alles vercziehen, ut littera sonat. Actum an Mitichen vor sand Veits tag, anno etc. xliido.

Summa lxii d.

Nota das gelt hat der egenant Wiser wider ausgelichen auf Jacoben Tódtenwaitz des pekchen haus vor Schotentor auf dem Graben das der Schotten grunt ist nach lautt ains saczbrief den der Wiser darumb hat. Actum an Phincztag vor Liechtmesse, anno etc. lio.