Eintrag vom 1463-09-09Informationen zum Dokument

Kathrey Hannsen Pawrnfeindt seligen wittib, hat versaczt ir hawss gelegen hinder Sannd Pangrétzen ze Wienn zenagst Hainrichs weilent des starkhen Hainreichs Refler hawss an ainer seitten und an der anndern zenagst Nusperger des messrer hawss, davon man jerlich dint, dem capplan der ewigen mess, die Stettner der ledrer auf Unserer Frawen altar in Sand Johanns cappelln vor Werdertor gestift hat, ain phunt Wienner pfenning zur purkrecht und nicht mer Wolfgangen Pawrnfeint irem sun, den sý mit dem obgenant Hannsen Pawrnfeint irem mann seligen eelichen gehabt hat, der noch nicht vogtper ist. Umb funfundviertzigk pfunt und vier schilling Wienner phenning. Und sind zubeczalen wann der egenant Wolfgang zú seinen beschaiden vogtperen jaren kumbt darnach wann er die haben und nicht lennger peiten will an alles vercziehen ungeverlich. Actum an Freytag nach Unserer lieben Frawen tag Nativitatis, anno etc. lxiiio.

Summa iii s d.

Nota das obgenant purkrecht hat Wolfgang Pawrnfeint ir sun widerumb auf das egenannt haws verschriben libro ist sub B.