Kristan Wissinger dieczeit des rats Thoman Ekkenperger und Jörg Hofleich burger ze Wienn an stat und als gerhaben junckfrawen Margreten Hainrichen Enczesfelder seligen tochter, die noch nicht vogtper ist, habend versaczt derselben junckfrawen Margrethen übertewrung irs¹ haws gelegen in der Goltsmidgassen zenagst der Höllczlerinn hawss an ainem tail und an dem anndern zenagst Sigmunden Töglich hawss gegen dem Tumbbrosthof über, das sy von dem egenant Hainreichen Enczesfelder irem vater erblichen anerstorben ist über die drew hundert pfunt pfenning morgengab, die frawn Margreten irer muter vorhin darauf verschriben sind² dem erbern Hannsen Vogel burger ze Wienn der egenant junckfrawen Margreten stewffater und sein erben, umb vierhundert und achtundzwainczigk guldein in gold Ungrischen darumb das egenant hawss vormalen dem erwirdigen geistlichen herren hern Johannsen von Pomershaim lanndtcomentewr Dewtsches ordens in Österreich dieselb zeit verweser des Dewtschen hawss zú der Newnstat, als umb die vierhundert guldein haubtgút und umb die achtundzwainczigk pfunt guldein Ungrisch dinst versaczt gewesen ist und die der obgenant Hanns Vogel beczalt und ausgericht hat und umb fünfundvierczigk pfunt Wienner pfenning, die herkomen sein von den hundert und achtczigk pfunt pfenning, die der egenant Hainrich Enczesfelder seiner ereren hausfrawen Annen von der Leytten zú haimstewr verschriben und die der egenant Hanns Vogel auch beczalt hat. Und sind zúbeczalen, wann die obgenant junckfraw Margreth vogtper wirdet, an alles vercziehen ungeverlich. Actum an Sambstag vor Judica in der vassten, anno domini etc. lxiio.

Summa iii tl. iiii s. d.

Hanns Vogl habet cedulam.