Kathrey Hannsen Reyttinger hausfraw und Conraten Ottinger seligen tochter hat versaczt ir halbs hawss gannczes gelegen mit dem vordern tail¹ in der Wiltwergerstrass und mit dem hindern tail gegen weilent herrn Oswalts Reicholfs hawss über, das ir gegen Wolfgangen Ottinger irem pruder an rechter tailung gevallen ist und ist der erst tail mit allen den geméchen und gemain stukhen, so nach lautt der tailbrief darczu gehorent dem erbern Cristann Schónnperger burger zu Wienn und dem obgenant Hannsen Reyttinger irm mann baid frawen Dorothen Petern Furpringer seligen witiben geschéfftlewten und iren nachkomen zu stifftung und volfurung der mess so dieses fraw Dorothe zu stifften geschafft hat, nach lautt irs gescheffts, das im statpuch zu Wienn geschriben stet umb hundert phunt Wienner phenning und all dieweil sy die nicht bezalt. So sol sy jerlich davon raichen und geben vier phunt phenning der egenant múnssen zu den vier quottembern im jare zu yeder ain phunt phenning und sullen mit den ersten dinst anheben zu der quottember in der vassten nagstkunfftigen an alles vercziehen. Und wann der dinst versessen ist, so sullen und mugen sy mit dem obgenant irem halben hawss iren frumen damit zeschaffen als solhe sacz und der stat zu Wienn recht ist getrewlich und ungeverlich. Actum an Freitag vor sand Thomans tag appostoli, anno domini etc. lxviimo ut littera sonat.

Summa vi s. xx d.