Eintrag vom 1468-03-09Informationen zum Dokument

Kristan Hofer Messrer mitburger zu Wien und Ursula sein hausfraw habend verkaufft drew phunt, drew schilling und sechs phenning gelts purkrechts auf irem hewslein gelegen im Harhof zenagst Micheln Swébel messrer hawss an ainem tail und an dem andern zenagst dem innigangkh Paulen Frankhenstainer und Margrethen seiner hausfraw hawss, den erbern priestern leinten hincz Sand Stephan hie umb xxxiii tl. d. und sind zu deinn zu drein tailen im jar, und widerumb abzekauffen, mit vierunddreissigkh phunt phenning und den nagsten dinst damit ut littera sonat an Montag nach dem Suntag Letare in der vassten, anno etc. lxviiio.

Summa lxviii d.

Nota das obgenant ist auf Thim Péchler und seiner hausfraw hawss hinder Sand Pangretzen widerumb verschriben und angelegt.