Linhart Kriech hat für seinen steufvater Fridreichen von Minden den kursner versaczt die ubertewrung seins hauss gelegen am Kienmarkt im Winkhl zenagst Jorgen Schuchter haus uber die hundert phunt phenning die fraw Elsbet Wolfgangs des Kerntter vorab vor darauf hat, dem erbern Hannsen Püczel burger zu Lindau, seiner gesellschafft und irn erben umb¹ virhundert phunt sechczig phunt funf und achczig phenning. Und sind zubeczalen vonersten hundert phunt auf die nagstkunftigen phingsten, und i x tl. lxxxv d. auf sant Symons und sand Judas tag auch schiristkunftig, darnach aber hundert phunt phenning auf die phingsten und lxxv tl. d. auf sant Symons und sant Judas tag, in dem funfczigisten jar negst kunftig, und nachmaln funftzig phunt phenning aber auf die phingsten und zu lest lxxv tl. d. auf sant Symons und sant Judas tag aim ains und fünfczigisten jar schirist komend, an widerred und an alles verziehen, welhen tag man nicht hielt so sullen die andern tég all absein nach laut ains geltbriefs, darinn auch ain weingarten im Lerochveld verschriben und der stat grunt nicht ist und auch mit der stat grunt insigel nicht ist gevertigt. Actum an Montag nach Letare ze Mittervasten, anno domini etc. xlviiii.

Summa ii ½ tl. xx d.