Eintrag vom 1456-05-21Informationen zum Dokument

Leuppolt Schell gesessen vor Kernertor hat versaczt sein haus gelegen auf dem Hewgaess zenagst Wolfgangs Seczenwein haus davon man jérlichen dint hern Hannsen Reiffenstain caplan Sant Peter und Sand Pauls altar in Sand Johanns cappelln vor Werdertor zway pfund pfenning zu purkrecht und nicht mer, dem erbern Wolfgangen Niclasen des Tuchscherer der Voitlenderin pruder sun und seinen erben umb funfundzwainczig pfund pfenning der swarczen munss und sind zubeczalen wan derselb Wolfgang vogtper wirt oder ob er ungevogt abging seinen erben an alles vercziehen, und sullen im alle jar davon raihen und geben drew pfund pfenning zu den drein tegen im jar zu sand Michels tag zu Weichnachten und zu sand Jorgen tag zu yeden tag ain pfund pfenning an abslag des haubtguts ut littera sonat. Actum an Freitag vor sand Urbans tag, anno domini etc. lvito.

Summa i d.

Nota die obgenant xxx tl. d. hat her Wolfgang Voytlander geerbt und sein muter Kathrein ingenomen nach lautt der aufsand und gewaltbrief wegen die zu dem puch erlegt sind. Actum an Montag post Quintl anno etc. lxviimo.