Lewppolt Schell vor Kernertor hat versaczt die uberteurung seins hauss gelegen vor Kernertor auf die Griess zenagst Wolfgangs Seczenwein haws uber die zway pfund pfenning gelts purkrechts die hern Hannsen Reiffenstain caplan Sand Peter und Sand Pauls altar zu sand Johanns vor Werdertor vor darauf verschriben sein und uber die funfundczwainczig pfund pfenning die Wolfgangen Niclasen des Tuchscherer der Voitlenderin pruder sun vormalen darauf verpfend sein nach lautt ains saczbriefs darumb gegeben, dem erbern weisen Hannsen dem Malichinger dieczeit des rats der stat zu Wienn und seinen erben, umb zwainczig pfunt pfenning der swarczen munss und sind zubeczalen auf sand Michels tag nagstkunftigen anvercziehen ut littera sonat. Actum an Montag nach Letare in der vasten, anno domini etc. lviio.

Summa xl d.