Lienhart Dinstel und Agatha sein hausfrau habend verkauft zehen pfunt pfenning gelts purkrechts, auf irm hauss gelegen in der Strauchgassen zenagst Petern Sturkhs des stainmeczen haus an aim tail, und an dem andern zenagst dem gässlein als man in die Walchstrass geet, umb hundert pfunt Wienner pfenning, die emalen gelegen gewesen sind auf Allexen Tewfl und Annen seiner hausfrauen seligen hauss gelegen in der Goltsmidgassen, zenagst weilent Lewpolts Weyler des goltsmids hauss, die man damit darab geledigt und geloset hat. Dem erbern priester hern Micheln Grashofer, dieczeit kapplan der ewigen mess, die weilent her Lienhart Schawr official zú Wienn auf sand Linharts altar in Unnserer Frawn cappellen auf der Stetten daselbs gelegen gestift hat und seinen nachkomen kápplen der mess. Und sind zu dienn zu drein tégen im jar und wider abzekauffen umb hundert pfunt Wienner pfenning miteinander und den nachsten dinst damit ut littera sonat. Actum an Freytag nach der Heiling Aindleph tausend Maid tag, anno domini etc. lxiio.

Summa vi s. xx d.