Larenncz Schönnperger dieczeit statrichter ze Wienn und Anna sein hausfrau haben versaczt ir hawss gelegen am Alten Fleischmarkht, zenagst ettwenn Niclasen Ménharten des fleischagkher hawss ·· dem hochwirdigen geistlichen herren herrn Wolfgangen bischoven ze Ypponien und pfarrer ze Ravenspach, umb drewhundert Ungrischer guldein gerecht in gold und wag. Und sind zúbeczalen anderthalb hundert guldein auf Unser Frawn tag der Liechtmess nagstkúnfftigen, und die andern annderthalb hundert guldein auf die phingsten darnach nagstkomend, an alles vercziehen ungeverlich ut littera sonat. Actum an Montag vor sand Michels tag, anno etc. lxiiio.

Summa nulla propter officium.

Hanns Ernst habet cedulam.

Nota den obgenanten sacz um deie drew hundert guldein darumb das benant hauss versaczt, daran xl guldein beczalt sind, hat der obgenant hochwirdig fürst und bischof Wolfgang dem erbern weisen Hannsen Ernsten seine brüder lediglich ubergeben nach lautt ains ubergabbrief so darumb vorhannden ist. Actum an sant Mertten abend anno etc. lxiiiito.