Lienhart Zwelifer der sneider mitburger zu Wienn hat verkaufft zway phunt Wyenner phenning geltes purkrechts auf der ubertewrung seins hawss gelegen pey Sand Michel zenagst Lienharten Perger des goltsmid haws uber die sybenunddreyssig Ungrisch guldein¹, die Erharten Paternostrér und seinen erben vormalen darauf verschriben sein, umb sechtzehen phunt Wienner phenning, die emaln auf Thomans Kroner haws das der brobstey hie zu Wienn grunt ist, in der Synigerstrass gelegen gewesen ist, die man damit darab geledigt und gelost hat, dem erbern priester hern Merten Paltinger capplan der mess so Wernhart Schenkch vorstmaister auf Sand Kathrein altar in Sand Micheln kirchen zu Wien gestifft hat und seinen nachkomen kapplen der selben mess, und sind zu dienn zu drein tegen im jar und wider abczukauffen umb sechtzehen phunt Wienner phenning miteinander und den nagsten dinst damit der dann darvon zu dienn gevellet ut littera sonat. Actum an Mitichen vor sand Kathrein tag, anno domini etc. lxiiiito.

Summa xxxii d.