Larenntz Stadler mitburger ze Wienn hat versaczt die übertewrung seins hauss und zúhauss aneinander gelegen am Alten Fleischmarkht am egk zenagst dem gässlein als man zú Kollnerhof geet an aim tail, und an dem andern zenagst Otten des Metzner hauss, davon man jerlich dint hern Petern Oppenweyler capplan der ewigen mess, die maister Hainrich Lamplshaymer auf Sand Florians altar zu Sand Steffan zu Wienn zu stifften geschaft hat acht phunt Wienner phenning zú purkrecht die abzelosen sind mit hundert phunt Wienner d. Über die zwayhundert phunt phenning darumb es Hennslein, Hannsen des Kewschen seligen sun vormalen versaczt ist dem erbern Larenntzen Dyonisii von Pern und seinen erben umb zwayhundert und sechsundsybenczigk Ungrisch und ducaten guldein, und sind zubeczalen auf die nagstkunftigen Weinachten anvercziehen, nach lautt ains kaiserlichen spruchbriefs von unserm allergnedigsten herrn dem Römischen könig etc. darumb ausgangen, der zu dem gruntpuch erlegt ist. Actum an Mitichen nach Unsrer lieben Frawen tag Assumptionis Anno etc. lxvito.

Summa ii tl. iiii s. d.

Dyonisi habet zedulam.