Larencz Taschndorffer appotegker hat versaczt die ubertewrung seins hawss gelegen am Graben zenagst weilent Stephans Awer seligen hawss, uber die iic tl. d. purkrecht, darumb es vormalen dem capplan der mess so fraw Anna die Sindraminn auf Aller heiligen altar hincz Sand Stephan hie gestifft hat, versaczt ist, und über die funfundfunffczig phunt phenning darumb es vormalen Margrethen Paulen von Tulln hausfraw auch versaczt ist, der erbern Annen seiner hausfrawen maister Micheln Schrikhen lerer der erczney, tochter umb iic phunt phenning haimstewr und umb iiic tl. d. morgengab, nach der statrecht hie zu Wienn ut littera sonat. Actum an Freitag nach sand Peters und sand Pauls tag appostolorum, anno domini etc. lxviiivo.

Summa iiii tl. xl d.

Nota die obgenant Anna ist vor dem bemelten irem mann dem Taschendorffer mit tod abgangen und ist kain kind in leben, das sy miteinander gehabt haben. Dadurch die obgenant iiic tl. phenning morgengab dem Larenczen Taschendorffer sein ledig worden, nach der stat rechten. Actum an Montag sand Servacien tag 75.

Umb das abgeschriben grundt steten zum Aussand zu dem buch gelegt. Actum feria sexta in den tunt Anno quarto.