Linhart Floderl und Kathrey sein hausfraw habent verkaufft virthalben Ungrisch guldein gerecht in gold und wag jerlicher guld auf irm hawss gelegen pey Kernertor, zenagst maister Steffans des puchsenmaister haws. Umb funfczigk Ungrisch guldein auch gerecht in gold und wag der hochwirdigen facultet geistlicher rechten der schul hie zu Wienn, zu der newen kappeln in derselben schúl, und sind zu dienn zu drein tégen im jar, zu Weichnachten, zu sand Jorgen tag und zu sand Michels tag, zu yedem tag ain guldein und ain drittail ains halben guldein und sind widerumb abczekauffen, wenn si das getun mugen oder wellen miteinander mit funfczig Ungrisch guldein gerecht in geld und wag und den nagsten dinst damit ut littera. Actum an Freitag nach sand Ulreichs tag Anno etc. lxviii.

Summa ½ tl. d.