Linhart Floderl und Kathrey sein hausfraw habent verkaufft zehen schilling phenning gelts purkhrechts auf irm haws gelegen in der Kernerstrass zenagst dem haws das man haisset zu der Rotentúr, umb zehen phunt Wienner phenning dem erbern priester herrn Pertlme sand Johans kirchen in der Siechenalss vor Schottentor pharrer und seinen nachkomen pharern derselben kirchen. Und sind zu dienn zu drein tégen und widerumb abczekauffen, wenn man das getun mag oder will miteinander, mit zehen phunt Wienner phenning und dem nagsten dinst damit doch unvergriffen den virdhalben Ungrischen guldein darumb es emaln der vacultet der juristen hie zu Wienn zu hannden irer cappeln verschriben ist. Actum an Montag vor sand Margrethen tag Anno etc. lxviii.

Summa xl d.