Linhart Floderl und Kathrey sein hausfraw habent versaczt die ubertewrung irs hawss gelegen in der Kernerstrass zenagst dem haws das man haisset zu der Rotentür, uber die virdhalben Ungrisch guldein jérlicher gult, darumb es der facultet der juristen hire und uber die zehen schilling phenning gelts purkrechts, so dem capplan Sand Johanns pharkirchen in der Siechenalss dar auf verschriben sind. Dem erbern Perchtolden von Rab zu hannden junkfrawn Barbaren Niclasen Swartz des schuster seligen tochter und irn erben, umb zehen phunt phenning die ir zugepuren von wegen ains hawss in der Kernerstrass gelegen das desselben Swartz gewesen und verkauft ist. Und sind zu beczaln von dem nagstkunftigen sand Jorgen tag, uber ain gancz jar. Wer aber das si ungevogt in der zeit abging irn nagsten erben ungeverlich. Actum an Mitichen vor Unnser lieben Frawen tag Anunciacionis, anno etc. lxviiii.

Summa xx d.